Osteopatia oso lagungarria izan daiteke haurdun dagoen emakumearentzat. Osteopatiak emakumeari laguntzen dio haurdunaldian gertatzen diren egitura- eta hormona-aldaketetara hobeto egokitzen, bere fisiologia optimizatuz, eta horrek eragin positiboa du fetuaren garapenean.

Osteopatiak haurdunaldian ager daitezkeen alterazio asko konpondu edo arindu ditzake. Horietako batzuk aipatuko ditugu:

• muskulu-arazoak, lunbalgiak, ziatalgia.
• beheko gorputz-adarrei eragiten dieten zirkulazio-alterazioak, sindrome konpartimentalak.
• artikulazioetako, saihetseko eta pelbiseko mina.
• erraietako arazoak: idorreria, hainbat errairen konpresioa.
• diafragmaren alterazioa, arnasketaren alterazioa.

Erditzea prestatzeko lan interesgarria ere egin daiteke, pelbisa eta erditzeko une garrantzitsuan parte hartzen duten gainerako egiturak landu baititzakegu. Horrela, kanpoko laguntzak ahalik eta gutxien izatea lor dezakegu.