Bai diagnostikorako, bai tratamendurako, osteopatak Oinarrizko Arnasketa-Mugimenduaz baliatzen da. OAMa uzkurtze- eta lasaitze-mugimendua da, ziklikoa eta gorputzak eta gorputza osatzen duten egitura guztiek dutena (hezurrek, organoek, guruinek, nerbioek, giharrek …)
Osteopatak eskuekin sentitzen du aipatutako mugimendua eta detektatzen du gorputzaren zein ataletan dagoen aldatuta egitura / funtzio erlazioa. Behin disfuntzio hori detektatuta, anatomia eta fisilogia kontuan izanda saiatzen da egoera (ordena) lehengoratzen. OAMa gorputzeko egitura guztietan adierazten da era fin eta indartsuan. Mugimendu horri so eginez pazienteak dituen lesioetara iritsiko gara. Mugimendu horren bultzadan oinarrituta, gorputzari laguntzen diogu era ez kaltegarrian oreka berreskuratzen.